2ª xornada comarcal de campo a través

O mércores día 14 de xaneiro celebrouse no campo da Moreira (Xinzo de Limia) o segundo campionato comarcal de campo a través.
A participación por parte do colexio Rosalía foi bastante importante, levando 43 rapaces e rapazas repartidos nas categorías benxamín, alevín e infantil.
A xornada desenvolveuse sen ningún percance, favorecéndose as actitudes de compañerismo e solidariedade cara os demais deportistas.
Nesta ocasión si que houbo medallas para os tres primeiros clasificados de cada categoría. Ademais desto os seis primeiros terán tamén a oportunidade de participar no campionato provincial de campo a través que se celebrará o día 31 de xaneiro no campo da Veronzá (Ribadavia).